Plantun de Prouvènço

Pèr coumpara dos planto d'encò nostre

Homogyne alpina & Plumbago europaea

Homogyne alpina

Asteraceae Compositae

Nom en français : Homogyne des Alpes.

Descripcioun :
Aquesto planto fai pensa à uno pichoto erbo-de-la-pato emé de flour roso. Trachis dins li pelouso de mountagno tre la foundo di nèu. Li fueio an lou limbe redoun emé un long pecou.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Homogyne
Famiho : Asteraceae
Famiho classico : Compositae

Ordre : Asterales

Coulour de la flour : Roso
Petalo : >6
Ø (o loungour) enflourejado : 0,8 à 1,2 cm
Flourido : Printèms - Estiéu

Sòu : Si
Autour basso e auto : 1200 à 3000 m
Aparado : Noun
Mai à juliet

Liò : Pelouso - Champino - Bos de resinous - Bas palun
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Homogyne alpina (L.) Cass., 1821 (= Tussilago alpina L., 1753 )

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.